तपाई पनि स्मार्ट देखिन चाहनु हुन्छ, यो तरिका अपनाउनुस्
लवाइ, खुवाइ, हिँडाइ, बोलीचाली हरेक पाटोमा ‘स्मार्ट’ व्यक्ति सबैको आँखामा बस्छ । तर, ‘ओभर–स्मार्ट’ बन्ने व्यक्तिलाई कसैले रुचाउँदैन ।
‘ड्रेसअप कोड’, व्यक्ति स्मार्ट देखिने एउटा महत्त्वपूर्ण पाटो हो । ‘स्मार्ट आउटलुक’ भएका अभिनेता धीरेन शाक्य ड्रेसअपमा निकै ‘कन्सस’ छन् ।
स्मार्ट बन्न चाहनेलाई उनले दिएका छन्, केही ड्रेसअप टिप्स : वर्णअनुसार रोज्नुहोस् कालो वर्ण भएका व्यक्तिको तुलनामा गोरो अनुहार भएकालाई सबै रङका कपडा पनि प्राय: सुहाएकै हुन्छ ।
कपडा किन्दा कालो वर्ण हुनेले रङमा अलि बढी नै ध्यान दिनुपर्छ । शरीरअनुसार लगाउनुहोस् अरूको शरीरमा सुहाएको देखेर आफू पनि उस्तै कपडा नकिन्नुहोस् । सबैको शरीर एकै प्रकारको हुँदैन ।
दुब्लो, मोटो, होचो, अग्लो, सबैको शरीर फरक–फरक बनावटको हुन्छ । आफ्नो शरीरलाई फिट हुने कपडामा पैसा खर्च गर्नुहोस् ।
चमकदार छोड्नुहोस् धेरैको मनमा लागेको हुन्छ कि चमकदार कपडा लगाउँदा अरूले खुबै मन पराउँछन् । तर, यो सोचाइ गलत हो । यस्ता कपडाले ‘ओभर–स्मार्ट’ देखाउँछ ।
भद्दा ‘ड्ेरसअप’लाई आहा † भन्ने कमै हुन्छन् । हल्का कलरको किन्नुहोस्, बरु थोरै स्टाइलिस् । धेरै पुराना त्याग्नुहोस् कसैको बानी हुन्छ, धेरै पुराना भइसकेपछि पनि उही कपडा मन पराउने । तर, अरूले देख्दा राम्रो हुन्न ।
हुन त आफ्नो क्षमताअनुसार कपडा किन्नुपर्छ, तर जतन गरे लामो समयसम्म नयाँ नै देखिन्छ । एउटै कपडा केही दिनसम्म निरन्तर लगाइराख्दा पनि राम्रो देखिँदैन ।
हप्तामा रुटिन बनाएर पालैपालो फरक–फरक लगाउँदा ‘स्मार्टनेस’ झल्किन्छ । सफाचट राख्नुहोस् जति नै ‘ब्रान्डेड’ कपडा लगाए पनि सफाइमा ‘मेन्टेन’ गरिएको छैन भने व्यक्तित्त्व झल्किँदैन ।
एक–दुईपटक लगाएपछि धुने र आइरन गर्ने बानी हुनुपर्छ । तपाईंको सफा र चिटिक्क पहिरन देख्दा अरू पनि लोभिन्छन् ।
प्रतिकृया दिनुहोस्
Loading...
