मैत्रीपूर्ण महिला भलिबलमा नेपाल जितको खोजीमा, आज दोस्रो म्याच
काठमाडौं, १४ साउन ।
नेपाल र भारतको महिला टोलीबीचको दोस्रो मैत्रिपूर्ण भलिबल खेल आज हुँदैछ । हिजो भएको पहिलो खेलमा पराजित भएको नेपाल आज अझै सुधारिएको प्रदर्शन गर्ने तयारीमा छ ।
काठमाडौंको त्रिपुरेश्वरस्थित राष्ट्रिय खेलकुद परिषदको कभर्ड हलमा हिजो भएको खेलमा नेपाल ३–० को सोझो सेटमा पराजित भयो ।
दक्षिण एसियाको शीर्ष टोली भारतले नेपाललाई २०–२५, १९–२५ र २५–२७ ले पराजित गरेको हो ।
विश्व भलिबलको वरियतामा ५७ औं स्थानमा रहेको भारतविरुद्धको यो स्कोर नेपालको अहिलेसम्मकै सम्मानजनक हो ।
यसअघि फराकिलो सेट स्कोरमा पराजित हुने गरेको नेपालले यसपटक भने भारतलाई टक्कर दिएको थियो ।
प्रतिकृया दिनुहोस्
Loading...
