एजेन्सी, २० साउन । मैत्रिपूर्ण खेलमा स्पेनिस ला लिगा च्याम्पियन बार्सिलोनाले इंग्लिस प्रिमियर लिग च्याम्पियन लिसेस्टर सिटीलाई हराएको छ ।

स्वीडेनको सोल्नामा बुधबार राति भएको खेलमा बार्सिलोनाले लिसेस्टर सिटीलाई ४–२ ले हराएको हो । बार्सिलोनाका मुनिर एल हदादीले २६ र ४५ औं मिनेटमा गरी दुई गोल गरे ।

यस्तै बार्सिलोनाका लुइस स्वारेजले ३४ औं तथा ८४ औं मिनेटमा राफ म्युजिकाले गोल गरे । लिसेस्टर सिटीका लागि दुवै गोल अहमद मुसाले गरे । मुसाले ४७ र ६६ औं मिनेटमा गोल गरेका हुन् ।

लिसेस्टरले मुसालाई केही सयमअघि मात्रै क्लबको कीर्तिमानी मूल्य १६ एक करोड ६० लाख पाउण्डमा अनुबन्ध गरेको थियो । यो खेलमा बार्सिलोनाका स्टार स्ट्राइकर लियोनल मेस्सी पनि खेलेका थिए । उनले गोल गर्न नसके पनि तीन गोलका लागि उनको सहयोग रह्यो । 

– एजेन्सीको सहयोगमा