पत्रकार सुदिप वर्देवामाथि प्रहरी दुर्व्यवहार,क्रान्तिकारी पत्रकार संगठनद्वारा घटनाको भर्त्सना
दिया चन्द, काठमाडौं, ५ असोज ।
यातायात व्यवस्था कार्यालयमा चालक अनुमति पत्र लिनका लागि बुधबार बिहान तीन बजेदेखि नै आवेदकहरुको लाइन लागेको थियो । तर, बिहान ८ बजे एकाएक आएर कार्यालयले ‘सुविसु नेटको खराबीका कारण आफ्नो सर्भरले काम नगरेकोले आज काम नहुने’ भन्दै सूचना टाँसेपछि नाराबाजी भएको थियो ।
सोही घटनाको रिपोर्टिङका लागि कार्यालयमा पुगेका क्रान्तिकारी पत्रकार संगठनका केन्द्रीय सदस्य तथा रेडियो पत्रकार वर्देवामाथि प्रहरीले हातपात गर्नुका साथै दुव्र्यवहार गरेको छ । साथै उनलाई आधा घन्टा नियन्त्रणमा लिएर प्रहरी भ्यानमा बन्दी बनाएको थियाे ।
नाराबाजी गरिरहेका सर्वसाधारणमाथि लाठी प्रहार गरिरहेको दृष्य खिचिरहेका पत्रकार वर्देवाले आफ्नो परिचय दिँदा पनि प्रहरीले “प्रहरीको मात्र फोेटो किन खिचेको” भन्दै हातपात गरेको थियो ।
यसैबीच पत्रकार बर्देवामाथि प्रहिले गरेको दुर्व्यवहारप्रति गम्भीर ध्यान आकर्षण भएको भन्दै क्रान्तिकारी पत्रकार संगठन नेपालले एक प्रेस विज्ञप्ति जारी गर्दै घटनाको निन्दा गरेको छ ।
क्रान्तिकारी पत्रकार संगठन नेपालका अध्यक्ष प्रभात चलाउनेद्वारा बुधबार जारी गरिएको बिज्ञप्तिमा भनिएको छ -' ललितपुरको एकान्तकुनामा रहेको यातायात व्यवस्था कार्यालयमा रिपोर्टिङका क्रममा पुगेका रेडियो मिर्मिरेमा कार्यरत पत्रकार सुदिप वर्देवामाथि ललितपुर प्रहरीले हातपात गर्नुका साथै केही समय कब्जा लिएको घटनाप्रति हाम्रो संगठनको गम्भीर ध्यानाकर्षण भएको छ ।'
स्वतन्त्र प्रेसमाथि राज्यका सुरक्षा निकायको यो व्यवहार आपत्तिजनक भएको भन्दै बिज्ञप्तिमा अगाडी भनिएको छ -'यस घटनाले स्वतन्त्र प्रेसमाथि राज्यका सुरक्षा निकायको बुझाई प्रष्ट पारेको छ । हामी प्रहरीको यस प्रकारको व्यवहारको घोर भत्र्सना गर्दै दुव्र्यवहार तथा केही समय बन्दी बनाउने प्रहरीमाथि तत्काल कारवाही गर्न माग गर्दछौं । साथै नागरिकलाई निरन्तर सूचना दिन खटिरहेका पत्रकारको सुरक्षाका लागि सुरक्षा निकायमा विशेष निर्देशन दिन सरकारको ध्यानाकर्षण गराउँदछौं ।'
आक्रोशित सेवाग्राहीहरुले धेर जसो सर्भर बिग्रिने बहाना बनाउने र पैसाको चलखेल गरेर लाईसेन्स बितरण गर्ने आरोप समेत लगाएका छन्। आक्रोशित सेवाग्राहीहरुलाई रोक्न प्रहरीले बल प्रयोग गरेको थियो। प्रहरी हस्तक्षेपमा अन्य सर्वसाधारण समेत सामान्य घाईते भएका छन्।
प्रतिकृया दिनुहोस्
Loading...
