पहिरोमा पुरिएर १ को मृत्यु, एकै घरका ५ घाइते
पहिरोले पुरिएर गुल्मीमा १ जनाको मृत्यु भएको छ । लगातार परेको अविरल वर्षाका कारण पहिरो जाँदा शान्तिपुरको बसपार्कमा ग्रिल उद्योग सञ्चालन गर्दै आएका जुनिया–५ निवासी ३१ वर्षीय दुर्गााबहादुर थापा मृत्यु भएकाे हाे ।
घाइते थापाको उपचारका क्रममा राति नै स्थानीय स्वास्थ्य चौकीमा ज्यान गएको थियाे । जिल्ला प्रहरी कार्यालय गुल्मीका अनुसार ढिस्काेसँगै खसेकाे पहिराेमा परी अन्य पाँचजना घाइते भएका छन् ।
पहिरोमा पुरिएर जुनिया–५ का ३५ वर्षीय खेमराज थापा, उनकी श्रीमती ३२ वर्षीय सुनिता थापा, ३ वर्षीया छोरी हीरा थापा र सात वर्षीया वर्षा थापा र दिब्रुङ–६ का ३१ वर्षीय दीपक थापा घाइते भएका छन् ।
उनीहरुको स्थानीय शान्तिपुर स्वास्थ्य चौकीमा उपचार भइरहेको प्रहरीले बताएकाे ।
प्रतिकृया दिनुहोस्
Loading...
