विद्युत प्राधिकरणको हदैसम्मको लापरवाहीः करेन्ट लागेर पाेलमै ज्यान गयो मजदुरको
बिद्युत प्राधिकरणको हदैसम्मको लापरबाहीका कारण एक जना मजदुरको मृत्यु भएको छ। कपिलवस्तुको अभिरावमा करेन्ट लागेर एक कर्मचारीको मंगलबार मृत्यु भएको हो ।
लाइन मर्मत गर्न विद्युत पोलमा चढेका मजदुरलाई करेन्ट लाग्दा पकडी गाबिस– ६ सेमरौटीका ३५ बर्षे फुलचन्द्र पाण्डेको मृत्यु भएको प्रहरीले जनाएको छ ।
मर्मतका बेला तौलिहवास्थित प्राधिकरणको सवस्टेशनमा विद्युत लाइन जोड्दा उच्च प्रवाहको करेन्ट लागेर पाण्डेको ज्यान गएको हो ।
लाइन काट्न आग्रह गरेपनि बिद्युत आपुर्ति गरिएकाले मर्मतकै क्रममा पोल चढेर मर्मत गरिरहेका पाण्डेलाई करेन्ट लागेको प्रहरीले जनाएको छ ।
करेन्ट लागेर पाेलमै भुन्डिएका पान्डेलाई उद्धार गरेर उपचारका लागि भैरहवा लैजाँदै गर्दा बाटोमै मृत्यु भएको थियो । शवलाई पोष्टर्मटमका लागि तौलिहवा अस्पताल लगिएको छ ।
प्रतिकृया दिनुहोस्
Loading...
