कैलाली घटनाका योजनाकार रेशम चौधरीले भारतमा प्रचण्डसंग हात मिलाएपछि...
चारदिने भारत भ्रमणका बेला प्रधानमन्त्री पुष्पकमल दाहालको एक कार्यक्रममा कैलाली घटनाका मुख्य आरोपित रेशम चौधरी सहभागी भएर प्रचण्डसंग हात मिलाएको बिषयले सबै तिर चर्चा पाएको छ ।
देश बिदेशमा चर्चा परिचर्चा हुन थालेपछि प्रधानमन्त्रीको निजी सचिवालयले आफ्नो ध्यानाकर्षण भएको जनाएको छ ।
प्रधानमन्त्रीका प्रेस सल्लाहकार गोविन्द आचार्यले भ्रमण अवधिमा प्रधानमन्त्रीको चौधरीसँग भेटघाट गर्ने कुनै कार्यक्रम नरहेको बताएका छन् ।
उनले भने– सार्वजनिक कार्यक्रममा को–को आए, के मनसायले आए भन्ने थाहा नहुने भएकाले यस्तो विषयलाई लिएर टीकाटिप्पणी गर्नु उपयुक्त हुँदैन ।
आचार्यका अनुसार प्रधानमन्त्री दाहालले हात मिलाएको भएपनि चौधरीसँग कुनै कुरा गरेका थिएनन्। भारतीय व्यवसायीले आयोजना गरेको सार्वजनिक कार्यक्रममा नचिनिने गरी उपस्थित भएर चौधरीले प्रधानमन्त्रीसँग हात मिलाएका थिए ।
प्रतिकृया दिनुहोस्
Loading...
