एनसेलसँग मागियो फोरजीको ‘रोलआउट प्लान’
काठमाडौं १४ कात्तिक।
मोबाइल सेवा प्रदायक कम्पनी एनसेलसँग नेपाल दूरसञ्चार प्राधिकरणले फोरजी सञ्चालनको कार्ययोजना माग गरेको छ । प्राधिकरणको शुक्रबार बसेको सञ्चालक बोर्डले निजी क्षेत्रको सेवाप्रदायक एनसेलसँग रोलआउट प्लान माग गरेको हो ।
प्राधिकरणले एनसेलसँग सेवा सञ्चालनका लागि फ्रीक्वेन्सी, मूल्य, समयतालिका र कुन क्षेत्रमा कहिलेबाट सेवा सञ्चालन गर्ने भनी कार्ययोजना माग गरेको हो ।
नेपाल टेलिकमसँग भने प्राधिकरणले दशैं अगावै कार्ययोजना माग गर्दै अनुमति समेत दिइसकेको छ । मोबाइल सेवा प्रदायक कम्पनीहरुमध्ये एनसेल टेलिकम पछिको दोस्रो बजार हिस्सा ठूलो भएको कम्पनी हो ।
केही समय अगाडि संसोधन गरिएको रेडियो फ्रीक्वेन्सी बाँडफाँट तथा मूल्य निर्धारण नीतिले १८०० ब्यान्डमा प्रविधि तटस्थ गरेर फोर जी सेवा सञ्चालन गर्न दिइने व्यवस्था गरेको छ ।
फोरजी सञ्चालनको अनुमति पाइसकेको नेपाल टेलिकमले भने पौष १७ गतेदेखि व्यावसायिक रुपमा फोरजी सेवा सञ्चाल गर्नेका लागि अनुमति पाइसकेको छ ।
प्रतिकृया दिनुहोस्
Loading...
