प्रेस स्वतन्त्रता माथी हमला, लोकमानका समर्थकले दिए पत्रकारलाई ज्यानमार्ने धम्की
- काठमाडौं ८ कात्तिक।
नेपालमा अहिले कानुनि राज्य छ । देश राजतन्त्रामत्क युगबाट गणतन्त्रमा प्रवेश गरेको आज लगभग १० बर्ष पुरा भइसकेको छ । तर पनी अबिब्यक्ति स्वतन्त्रता भने प्राय सुन्य नै देखिन्छ ।
राजाको शासनकालमा पत्रकारहरुलाई लेख्न स्वतन्त्रता थिएन । रेडियोहरुलाई समाचार पढ्न अनुमती थिएन। एफएम रेडियोको स्टुडियोमै सेनाले पहरा दिन्थे र समाचारहरुमा सेन्सर लगाइन्थियो ।
त्यो त भयो निरंकुश राज्यबाट नै गरिएको हस्तक्षेप तर अहिले दशौ बर्षपछि राज्य तहबाट नभएपनि राज्यको जिम्मेवार निकायमा नियुक्ति लिइसकेका व्यक्तिको बारेमा उठेका प्रश्नबारे पत्रकारहरुलाई समाचार लेखे ज्यान मार्ने धम्की आउन थालेका छन् ।
नेपालको राजनीतिमा सबै भन्दा बढी चर्चाको बिषय बनेको लोकमानसिंह कार्की काण्ड हो । यो काण्डबारे नाम चलेको एक दैनिक पत्रिकाको सम्पादकीय मण्डलका जिम्मेवार पत्रकारलाई लोकमानसिंह कार्की काण्डबारे समाचार लेखे ज्यान मार्ने धम्की आएको छ ।
त्यो पनी एक सामान्य रिपोर्टरलाइ हैन नेपालमा नाम चलेको दैनिक पत्रिका राजधानी दैनिकका सम्पादक राजन शर्मा, समाचार सम्पादक गणेश बस्नेत र वरिष्ठ समाचारदाता टपेन्द्र कार्कीलाई अज्ञात व्यक्तिले ‘ल्याण्डलाइन’ फोनबाट ज्यान मार्ने धम्की दिएको नेपाल पत्रकार महासंघले जनाएको छ।
‘ज्यान प्यारो भए कार्कीको विषयमा कुनै नकारात्मक समाचार नलेख्नु’ भनी एउटै भाषा प्रयोग गरी तीनै जनालाई धम्की दिइएको भन्दै महासंघले सोमबार विज्ञप्ती जारी गरी आफ्नो गम्भीर ध्यानाकर्षण भएको जनाएको छ।
पहिले सम्पादकलाई पुनः फोन गरी बस्नेत र कार्कीलाई धम्की दिइएको भन्दै महासंघले त्यसरी धम्की दिने दोषीलाई तत्काल कानूनी कारवाहीको दायरामा ल्याउन सरकारसँग माग गरेको छ।
प्रतिकृया दिनुहोस्
Loading...
