२२ यात्री बोकेको ‘एमआई–८’ हेलिकोप्टर दुर्घटना, १९ को मृत्यु
मस्को, ६ कात्तिक ।
रुसको उत्तरपश्चिम क्षेत्रमा पर्ने साइबेरियामा हेलिकोप्टर दुर्घटना हुँदा कम्तीमा १९ जनाको मृत्यु छ ।
शुक्रबार राति २२ जना यात्री बोकेको ‘एमआई–८’ हेलिकोप्टर दुर्घटना हुँदा १९ जनाको मृत्यु भएको उद्धारकर्ताले जनाएका छन् ।
दुर्घटनामा परेको हेलिकोप्टर साइबेरियाको क्रास्नोयार्सकबाट उरेङगेतर्फ जाँदै थियो । आपत्कालीन मन्त्रालयको क्षेत्रीय कार्यालयले दुर्घटनाको कारण स्पस्ट नभएको जनाएको छ ।
घटनामा परी घाइते भएका तीनजनालाई उद्धार गर्न उद्धारकर्ताहरु सफल भएको मन्त्रालयले जनाएको छ ।
उद्धारकर्ताहरुले चालकहरुको लापरबाही, यान्त्रिक समस्या वा अफ्ठ्यारो मौसमका कारण दुर्घटना भएको हुनसक्ने बताएका छन् ।
घाइतेहरुको अस्पतालमा उपचार भइरहेको छ । रासस/एएफी
प्रतिकृया दिनुहोस्
Loading...
