झापामा सवारी दुर्घटना, २ को मृत्यु
झापा २८ असोज ।
झापामा वेग्लावेग्लै सवारी दुर्घटनामा परी दुई जनाको मृत्यु भएको छ । बिहीबार राति गौरीगञ्ज-पाडाजुँगी सडकखण्डमा मोटरसाइकलको ठक्करबाट एक पैदलयात्रीको मृत्यु भएको हो भने लक्ष्मीपुरमा अज्ञात सवारी साधनको ठक्करबाट एक महिलाको मृत्यु भएको छ ।
मोटरसाइकलको ठक्करबाट मृत्यु हुनेमा लखनपुर-१ का ५९ वर्षीय खड्ग केसी छन् । उनलाई गौरीगञ्जबाट पाँडाजुगीतर्फ जाँदै गरेको मे ७ प ६४६५ नम्बरको मोटरसाइकलले ठक्कर दिएको थियो ।
दुर्घटनापछि गम्भिर बनेका केसीको दमकको लाइफलाइन अस्पतालमा उपचारको क्रममा मृत्यु भएको हो ।
त्यस्तै, अज्ञात सवारी साधनको ठक्करबाट कनकाई नगरपालिका, लक्ष्मीपुरकी ५० वर्षीय उदाँगी राजवंशीको मृत्यु भएको प्रहरीले जनाएको छ ।
उनलाई प्रहरीको गस्ती टोलीले बिहीबार राति मृत अवस्थामा फेला पारेको इलाका प्रहरी कार्यालय अनारमनीले जनाएको छ । उनलाई ठक्कर दिने सवारीको खोजी कार्य भइरहेको प्रहरीले जनाएको छ ।
प्रतिकृया दिनुहोस्
Loading...
