अर्जेन्टिनालाई मेस्सीको अभाव, पेरुसँग पनि बराबरी
काठमाडौँ २१ असोज ।
विश्वकप छनोट अन्तगर्त शुक्रबार भएको खेलमा अर्जेन्टिना र पेरुको खेल बराबरीमा सकिएको छ । घरेलु मैदानको फाइदा उठाउँदै पेरुले अर्जेन्टिनाको अंक खोस्न सफल भयो ।
पहिलो हाफ सकिदासम्म अर्जेन्टिनाले १ – ० ले अग्रता लिएको थियो । रमिरो फनेस मोरीले १५ औं मिनेटमा गोल गर्दै अर्जेन्टिनालाई अग्रता दिलाएका छन् ।
पेरुका पाउलो गरेरोले ५८ औं मिनेटमा गोल गर्दै खेल बराबरी बनाए । अर्जेन्टिनाका लागि गान्जालो हिगोइनले ७७ औं मिनेटमा गोल गर्र्दै अर्जेन्टिनालाई पुनः अग्रता दिलाए । तर त्यो अग्रता धेरै बेर टिक्न सकेन ।
८४ औं मिनेटमा पेरुले पेनाल्टी पायो । पेनाल्टीमार्फत क्रियस्टन किएभाले गोल गर्दै खेल बराबरी बनाए ।
मेस्सी बिना मैदानमा उत्रिएको अर्जेन्टिनाले यसअघि भेनेजुएलासँग पनि बराबरी खेलेको थियो ।
प्रतिकृया दिनुहोस्
Loading...
