गुन्डा नाइके विकास पुन माथि सांघातिक आक्रमण,टाउकोमा गहिरो चोट
तुलसीपुर १९ कात्तिक।
दाङका गुन्डा नाइके विकास पुन माथि सांघातिक आक्रमण भएको छ ।
दाङको घोराहीस्थित डिके पेट्रोल पम्प नजिकै पुनमाथि बिहीबार राति सांघातिक आक्रमण भएको जिल्ला प्रहरी कार्यालय दाङले जनाएको छ ।
दाङका प्रहरी प्रमुख एसपी धिरजप्रताप सिंहका अनुसार पुनमाथि उनकै समूह बाट टुक्रिएको बाबुु पुनको नेतृत्वमा रहेको समुहले टाउकोमा बियरका बोतलले प्रहार गरेको हो ।
विकासको टाउकोमा गहिरो चोट परेका राप्ती उपक्षेत्रीय अस्पतालमा उपचार हुन नसकेपछि थप उपचारकालागि नेपालगन्ज लगिएको छ । पहिले बाबुु बिकासको सहयोगीका रूपमा गुन्डागर्दी गर्थे ।
पछि पैसाको बिषयमा कुरा नमिलेपछि बाबुले बिकासलाई छोडेर छुट्टै समूह बनाएका थिए । यी दुवै ज्यानमार्ने उद्योग अन्तरगतको मुद्दा चलेका व्यक्ति हुन् ।
दुवै जनाालाई जिल्ला अदालत दाङले तारेखमा छोडेको थियो । बिकासमाथि आक्रमण गर्ने बाबुु फरार रहेको प्रहरीले जनाएको छ ।
प्रतिकृया दिनुहोस्
Loading...
