भ्रामक समाचार प्रकाशन भएलगत्तै माओवादी नेता कार्यकर्ताहरुले सामाजिक सञ्जालमा भ्रामक समाचारप्रति आक्रोश व्यक्त गरेका छन् ।  

फुर्सद न्युज नामक ब्लगले पहिलो भ्रम छर्दै लेखेको छ,-'नयाँ जनयुद्धका लागि चन्दा असुलिरहेको नेकपा (माअोवादी) का महासचिव नेत्रबिक्रम चन्द (विप्लव) ले चन्दाको पैसाले अाफ्नो छोरा प्रकाश चन्दलाई ५० लाखको बाइक किनिदिएका छन्।'

चन्दाको पैसाले चन्दले छोरा प्रकाशलाई ५० लाखको हार्ले डेभिड्सन माेटरसाइकल किनिदिएपछि चन्द माअाेवादीमा खैलाबैला मच्चिएको छ। 

दोस्रो भ्रम : 'दाङमा जग्गा किनियो  !'

त्यस्तै माओवादी महासचिव विप्लवले चन्दा उठाएको पैसा जम्मा गरी दाङमा जग्गा किनेको समेत भ्रामक समाचार लेखेको छ । उसले समाचारमा उल्लेख गरेको लेखेको छ, - 'चन्दले कार्यकर्ताले उठाएको चन्दाले यस अघि नै दाङ, देउखुरि-७ मा कित्ता नम्वर ४५३४ र ४५४८ का गरि ६ राेपनी जग्गा किनिसकेका छन्। 

विप्लव माअाेवादीको नयाँ जनयुद्धको धम्कीलाई कतिपयले चन्दको चन्दा धन्दा भन्न थालेका छन्। बाहिर जनयुद्धको कुरा गरेपनि विप्लव माअाेवादीका सबै नेता, कार्यकर्ता चन्दा उठाउनै व्यस्त छन्।'

समाचारमा आफ्नो नाम जोडिएको बारे यसो भन्छन् नेता  बिरही  

फुर्सद न्युज नामक ब्लगमा आफ्नो नाम जोडिएर आएको भ्रामक समाचार प्रति आपत्ति जनाउदै माओवादी नेता अनिल बिरहीले हुदै नभएको गलत समाचार लेखी त्यसमा आफ्नो नाम जोडिएको भन्दै आर्कोस व्यक्त गरेका छन् ।

नेता बिरहीले भने ,- त्यो ब्लगसँग मेरो कुनै कुराकानी भएको छैन, मैले यस्तो गैरजिम्मेवार र झुटो कुरा बोल्न आवश्यक पनि छैन, त्यो समाचारसँग मेरो कुनै संग्लनता छैन ।'

आफुलाई बदनाम गराउने र पार्टी भित्र फुट पैदा गर्ने उदेश्यले यस्तो गलत अफवाह फैलाएको उनको भनाई छ । 

को -को  नेताको जोडियो समाचारमा नाम ?

भ्रामक समाचार प्रकाशन गर्ने फुर्सद न्युज नामक ब्लगले समाचार श्रोत भन्दै माओवादी नेताहरु अनिल शर्मा बिरही, सन्तोष बुढामगर, उमा भुजेल र प्रज्वलनको नाम जोडेको छ ।

किन हुदैछ विप्लवमाथि प्रहार ?

यतिवेला नेकपा (माओवादी) का महासचिब नेत्रविक्रम चन्द विप्लवमाथि चौतर्फि प्रहार भइरहेको छ । राजनीतिमा उनको बढ्दो चार्मिङ र संगठनमा देखिएको तिब्र बिकासले विप्लवमाथिको प्रहार वढेको हुनसक्ने राजनीतिक विश्लेषकहरुको भनाई छ । 

उनका विरोधिहरुले सुरुमा विप्लवले माहौल खडा गर्ने तर त्यसलाई मुर्तरुप दिन नसक्ने आरोप लगाएका थिए । त्यसपछि उनीमाथि महत्वाकाँक्षाको घोडामा सवार देखि युद्धप्रिय जस्ता आरोप लागे ।

गुटबाद र फुटबादका अनगिन्ती आरोपहरु छिचोल्दै मुलुककै शक्तिशाली पार्टी निर्माणमा उनको हैसियत देखा पर्न थालेपछि विरोधिहरु थप आँत्तिएका छन् ।

हेर्नुहोस फुर्सद न्युज नामक ब्लगले लेखेको समाचार जस्ताको त्यस्तै