टिटेले भने - यो वर्ष रोनाल्डो उत्कृष्ट, मेस्सी उत्कृष्ट तीनमा पर्दैनन्

ब्राजिलका प्रशिक्षक टिटेले फिफा वर्ष खेलाडी २०१६ क्रिष्टियानो रोनाल्डो जत्तिको योग्य अरु नरहेको बताएका छन् । टिटेले यो वर्षको अवार्डका लागि मेस्सी उत्कृष्ट तीनमा पनि नपर्ने बताएका छन् । 

ब्राजिलका प्रशिक्षक टिटेले अवार्ड पोर्चुगलका कप्तान रोनाल्डोले जित्ने र दोस्रो स्थानमा ब्राजिलका नेइमार र तेस्रो स्थानमा फ्रान्सका एन्टोनी ग्रिजम्यान रहने बताए । रोनाल्डो, मेस्सी, ग्रिजम्यान र नेइमारसहित फिफा वर्ष खेलाडी २०१६ का लागि २३ जना खेलाडी मनोनयनमा परेका छन् । टिटेले भने ‘मेस्सी विश्वका उत्कृष्ट खेलाडी हुन्, तर यो वर्ष रोनाल्डो उत्कृष्ट छन् । रोनाल्डोले आफ्नो गोलको जादु देखाएका छन् ।’ रोनाल्डोले यो वर्ष रियल मड्रिडलाई च्याम्पियन्स लिग तथा पोर्चुगललाई युरोकपको उपाधि दिलाउन महत्वपूर्ण भूमिका खेलेका थिए । यो वर्ष फिफाले ५० प्रतिशत समर्थकको मत तथा ५० प्रतिशत प्रशिक्षक, कप्तान तथा दुई सय भन्दा बढी खेल पत्रकारको मतका आधारमा वर्ष खेलाडीको निर्णय हुनेछ । आउँदो जनवरी ९ मा ज्युरिचमा हुने द बेस्ट फिफा फुटबल अवार्डमा विजयी खेलाडीको घोषणा हुनेछ ।

Trending : Main khabar, Main News, Main Samachar, Sports, Sports News