बुढीगण्डकी आयोजनाले डुबाउने जग्गाको मुआब्जा मूल्य निर्धारण भएपछि स्थानीयहरू उत्साही भएका छन्। 

बुढीगण्डकी डुबान पीडितका नाममा विभिन्न चरणमा राज्यलाई घच्घच्याउदै आएका स्थानीयहरूमा अब भने केहि हुन्छ कि भन्ने आशा समेत पलाएको छ। गोरखा र धादिंगको बीचबाट बग्ने बुढीगण्डकीमा १२ सय मेघावाटको जलाशययुक्त आयोजना निर्माण हुन् लागेको हो । 

यदि अरु कुनै जलाशययुक्त ठुला आयोजना यसभन्दा अगाडी नबने बुढीगण्डकी जलाशय आयोजना नेपालको दोस्रो ठुलो जलाशययुक्त आयोजना हुनेछ। कुलेखानीको इन्द्रसरोबर नेपालकै पहिलो जलाशययुक्त आयोजना हो। हालै सम्पन्न मुवाव्जा निर्धारण समितिको बैठकले उक्त आयोजना प्रभावितहरुलाई वितरण गरिने मुवाब्जा निर्धारण गरेको हो। 

जसअनुसार आयोजनाको जलसतहले प्रभाव पार्ने क्षेत्रमा प्रतिरोपनी ५ लाख देखि ८ लाख रुपियाँ मुवाब्जा वितरण गरिनेछ। डुवान पर्ने ६० हजार रोपनी खेत, पाखो र घर जग्गाका लागी आयोजनाले मुवाब्जा उपलब्ध गराउने छ।

समितिले गरेको निर्णअनुसार मुलबाटो र बाक्लो वस्तीको लागि वरपरको जग्गालाई ८ लाख रुपियाँ मुवाब्जा उपलब्ध गराइनेछ। पाखो वारिलाई अधिकतम ५ लाख मुवाब्जा उपलब्ध गराइनेछ। उता गुठी जग्गाका मोहीले पनि चार भागको एक भाग मुवाब्जा पाउनेछन। 

आयोजना विकाश समितिको उक्त निर्णय सार्वजनिक भएसंगै स्थानीयहरू खुशी भएको डुबान पिडित कविन्द्र बुर्लाकोटीले बताए। समितिको निर्णयसंगै हाम्रो आयोजना अब बन्ने भो भन्ने लागेको छ उनले बिजपाटी संग कुरा गर्दै भने " लामो समयदेखि रोकिएको जग्गाको मुवाव्जा पाउने भएपछि अब स्थानियले आफ्नो बाटो आफै रोज्ने छन्।" 

समितिले जग्गा रोक्का राखेका कारण भुइचालोले भत्किएका घरसमेत निर्माण गर्न नपाएका स्थानियहरुलाई अब भने थातथलो छोड्नै पर्ने भो भन्ने लागेको छ। नेपाली कांग्रेस धादिंगका जिल्ला सदस्य समेत रहेका बुर्लाकोटिका अनुसार - स्थानीयले प्रति रोपनी न्युनतम ९ लाख मुवाब्जा माग गरेपनि समितिले निर्धारण गरेको मुवाब्जाले पनि खासै असन्तुष्टि सृजना गरेको छैन।

धादिंग र गोरखाका २७ गाविसको ६० हजार रोपनी जग्गाका लागि समितिले ४८ अर्ब मुवाब्जा तिर्नु पर्दछ। बारी र खेतलाई अब्बल, दोयम, सिम र चाहार गरी चार तहमा वर्गिकण्रण गरी छुट्टाछुट्टै मूल्य निर्धारण गरिएको छ ।

मुवाब्जाकोलागि जग्गाको वर्गीकरण सडक छेउछाउका घना बस्ति प्रति रोपनी ८ लाख सडकले छोएका बस्ति आसपास प्रति रोपनी ७ लाख ७० हजार घर र साखा सडक आसपास प्रति रोपनी ७ लाख ४० हजार घर र बारीलाई प्रति रोपनी ५ लाख सिम खेतलाई प्रति रोपनी ५ लाख ३० हजार बारी अब्बललाई ५ लाख ७० हजार चाहारलाई प्रति रोपनी ५ लाख दोयमलाई प्रति रोपनी ५ लाख गुठीको मोहीलाई जग्गाको एक चौथाई