नेपाल दुबै छिमेकी मुलुकको व्यापारिक केन्द्र बन्न सक्ने प्रधानमन्त्रीको भनाइ
- काठमाडौं, २४ कात्तिक ।
प्रधानमन्त्री पुष्पकमल दाहालले नेपाल दुबै छिमेकी मुलुक भारत र चीनबीचको व्यापारिक केन्द्र बन्न सक्ने बताएका छन् ।
नेपाल डेभलपमेन्ट इन्स्टिच्यूटले बुधबार राजाधानीमा गरेको कार्यक्रममा प्रधानमन्त्री दाहालले आफू प्रधानमन्त्री भएपछि भारत र चीनसँगको सम्बन्ध विस्तारका साथै त्रिदेशीय सहकार्यमा जोड दिएको बताए ।
उनले भारतको गोवामा चिनियाँ राष्ट्रपति सि जिनपिङ र भारतका प्रधानमन्त्री नरेन्द्र्र मोदीसँग त्रिदेशीय सहकार्यका लागि आफूले प्रस्ताव राखेको भन्दै यसमा दुवै राष्ट्र सकारात्मक रहेको बताए ।
कार्यक्रममा नेपाली कांग्रेसका नेता डा. रामशरण महतले राजनीतिक स्थिरता विना मुलुकका आर्थिक उन्ननि हुन नसक्ने बताउँदै नेपालले आन्तरिक अवस्थालाई बलियो बनाउँदै आर्थिक प्रगतिका लागि लगानीको वातावरण तयार पार्नुपर्नेमा जोड दिए ।
उनले पर्यटकीय विकास र उर्जाको ठूलो सम्भावना भएको राष्ट्र नेपाल आफ्नै समस्याका कारण आर्थिक प्रगतिको दृष्टिकोणमा धेरै पछि परेको बताए ।
प्रतिकृया दिनुहोस्
Loading...
