पूरा मतगणना नसकिदै ट्रम्प अमेरिकाको राष्ट्रपतिमा निर्वाचित
- काठमाडौं, २४ कार्तिक ।
पश्चिमा मिडियाका मत सर्वेक्षणलार्इ नाटकीय रुपमा असफल पार्दै डोनाल्ड ट्रम्प अमेरिकाको राष्ट्रपतिमा निर्वाचित भएका छन् । सबै मत गणना हुनु अगाडि नै ट्रम्पले आवश्यक मत हासिल गरेका छन् ।
ट्रम्प अमेरिकाको ४५ औं राष्ट्रपतिमा निर्वाचित भएका हुन् । ट्रम्प यसअघि कुनै सार्वजनिक जिम्मेवारीमा बसेका थिएनन् ।
अमेरिकाका अर्बपति ब्यापारीका रुपमा पहिचान बनाएका ट्रम्प रिपब्लिकन पार्टीका तर्फबाट उम्मेदवार बन्नुअघि नै निकै चर्चामा आएका थिए ।
उनले राष्ट्रपति उम्मेदवारीको दौडका क्रममा दिएका हरेक अभिव्यक्तिलाई डेमोक्रेटिक पार्टी र त्यसको तर्फबाट उम्मेदवार बनेकी हिलारी क्लिन्टनले विवादित बनाउँदै आएका थिए ।
अन्तिम चरणमा पुगेको मत गणनामा ट्रम्पले २७६ इलेक्टोरल मत पाइसकेका छन् । अमेरिकी राष्ट्रपतिको निर्वाचनका लागि विभिन्न राज्यबाट ५३८ इलेक्टोरल निर्वाचित हुन्छन् ।
५३८ इलेक्टोरल कलेजमा राष्ट्रपति बन्न २७० मत आवश्यक पर्छ । तर, ट्रम्पले यो लक्ष्य पूरै मत गणना नहुँदै नाघेका हुन् ।
प्रतिकृया दिनुहोस्
Loading...
