देबि देबता भाकेर पूर्ण सरसफाई नगर वडा घोषणा

अछामको कमल बजार नगरपालीकाको वडा नं. १० साबिकको चाल्सा गाबिस.लाई सोमबार एक कार्यक्रमका बिच अछाम जिल्लाकै पहिलो नगर वडाका रुपमा पूर्ण सरसफाई वडा घोषणा गरीएको छ ।

३ हजार ३ सय ८७ कुल जनसंख्या रहेको उक्त नगर वडा नगर स्तरीय खानेपानी तथा सरसफाई स्वच्छता समन्वय समिति कमलबजारको आयोजना र जिल्ला स्तरीय खानेपानि तथा स्वाच्छता समन्वय समिति अछामको समन्वयमा नगर वडा घोषणा भएको हो । 

वडाका सम्पुर्ण बासिन्दाहरुका घर घरमा शुद्ध पानी, र गाउ स्वच्छ र सफा भए पछि साबिकको चाल्सा गाबिस.लाई पूर्ण सरसफाई वडा घोषणा गरीएको छ । कार्यक्रमको दिप प्रज्वलन गरि अछाम क्षेत्र न. २ का माननिय सांशद भरत साउदले उद्घाटन गरे यस्तै साउदले नगर वडा घोषण गरे । 

कार्यक्रममा उपस्थित चाल्सा बासिले आफ्ना आस्थावान देबि देबतालाई भाकेर अब देखि गाबिसमा कुनै किसिमको फोहोर नगर्ने प्रतिबद्धता गरेका छन् ।

कार्यक्रमका अधिकांश बक्ताहरुले घोषणमा मात्रै यस्लाइ सिमित नपारी सबै गाउ बासिले सरसफाइमा ध्यान दिन आग्रह गरेका थिए । कमलबजार नगरपालीकाका कार्यकारी अधिकृत तुलसी कमार नेपालको अध्यक्षतामा भएको कार्यक्रममा अछाम क्षेत्र नं. २ का माननीय सांशद भरत साउँद प्रमुख अतिथी रहेका थिए । 

बिशिष्ट अथितिमा अछामका स्थानिय बिकास अधिकारी तोयनारायण सुवेदी र नेपाली काग्रेस अछामका महासमिती सदस्य देवराज देवकोटा रहेका थिए ।

पूर्ण सरसफाई वडा घोषणा कार्यक्रममा कलाकार महेन्द्र बिकले सरसफाइ समन्धि देउडा गित प्रश्तुतका थिए । त्यस्तै कार्यक्रममा अछामी माग्ने बुढा (जनक साउद) अछामी रेखा थापा (भिम बिष्ट) लगाएतका कालाकारले समेत बिभिन्न सरसफाई समन्धि जनचेतना मुलक नाट गित प्रश्तुत गरेका थिए । 

कार्यक्रमका सम्पूर्ण राजनितीक दलका प्रतिनिधी, सरकारी गैर सरकारी कार्यालयका प्रतिनीधी,समाजसेवी बुद्धिजीबी ,दलित,महिला,बाल क्लब,यूवा क्लब लगायतको सहभागीता रहेको थियो ।

Trending : Achham News, News