उपत्यका बन्द - १ बस, ट्याक्सी र ट्याम्पोमा तोडफोड, ११ जना गिरफ्तार


  • राजिब चन्द 
  • काठमाडौं, ७ पुस ।

नेकपा (माओवादी) निकट युवा तथा विद्यार्थी संगठनले पेट्रोलियम पदार्थमा गरेको मुल्यवृद्धि विरुद्ध आज उपत्यका बन्दको आव्हान गरेको छ । बन्दले विहानैबाट जनजीवन प्रभावित बनेको छ भने बिहानैदेखि काठमाडौंका मुख्य सडकसहित चोक चोकमा ठुलो संख्यामा प्रहरी खटिएका छन् । बन्दका कारण बजार, विहानी सेवाका शैक्षीक संस्था र यातयात ठप्प रहेको अखिल क्रान्तिकारीकी केन्द्रीय सचिवालय सदस्य सुनिता बमले जानकारी दिएकी छिन् ।

यसैबीच आजै ३ वटा सवारी साधनमाथि तोडफोड भएको छ । बन्दकाे अवज्ञा गरेको भन्दै बन्दकर्ताले सवारीसाधनमाथि आक्रमण गरेको प्रहरीले आरोप लगाएको छ । यद्धपी बन्दकर्ताले भने तोडफोडको जिम्मेवारी लिएको छैन ।

काठमाडाैंको पुरानो बसपार्क अर्थात् काठमाडौंकै केन्द्रविन्दु रत्नपार्कस्थित १ बसमा तोडफोड भएको छ । भने त्यसकै छेउमा रहेको भृकुटीमण्डप अगाडी एउटा ट्याक्सीमा तोडफोड भएको छ । तोडफोडबाट बस र ट्याक्सीका सिसाहरु टुटेका छन् । त्यस्तै त्रिचन्द्र कलेज अगाडी एउटा ट्याम्पोमाथि तोडफोड भएको हो।

बन्दका क्रममा रत्नपार्क र सोह्रखुट्टेबाट गरि अखिल (क्रान्तिकारी) केन्द्रीय सचिव र पत्यका संयोजक लोकेश विश्वकर्मासहित ११ जनालार्इ प्रहरीले गिरफ्तार गरेको छ । नेता विश्वकर्माका अनुसार अखिल क्रान्तिकारीका केन्द्रिय सचिव रामबहादुर विक, क्रान्तिकारीकै प्रज्वल शाही,केशव संजेल,कृष्न सेवालगाएतका नेता कार्यकर्तालाई प्रहरीले गिरफतार गरेको हो ।

पक्राउ परेका केहिलाई दरबारमार्ग स्थित महानगरिय प्रहरी बृत र केहीलाई सोर्हखुट्टेप्रहरी वृतमा राखिएको छ । बन्द साँझ ५ बजेसम्म कायम रहने बताउदै क्रान्तिकारीका महासचिव दीपेन्द्र चलाउनेले पक्राउ परेका आफ्ना नेताकार्यकर्तालाई तत्काल रिहा गर्न माग गरेका छन् । 

बन्दको पूर्वसन्ध्यामा हिजो एक घण्टा चक्काजाम समेत गरिएको थियो । नेपाल आयल निगमले सोमबारदेखी लागु हुनुे गरी पेट्रोलियम पदार्थको मूल्य बढाएको थियो । पेट्रोल, डिजेल र मट्टितेलमा सोमबारदेखी चार रुपैयाँ ५० पैसा वृद्धि भएको निगमले जनाएको छ ।

Trending : , ,

प्रतिकृया दिनुहोस्

Loading...
नयाँ पुराना गृहपृष्ठ