आगलागी हुदाँ मुगुमा १८ महिने शिशुको मृत्यु,आठ घर नष्ट
काठमाडौं, २० मंसिर ।
मुगुकाे खमाले भन्ने ठाउँमा आगलागी हुँदा एक शिशुको मृत्यु भएको छ । आगोमा जलेर आठ घर नष्ट भएका छन् ।
३६ घरधुरी रहेको चाकपाँडे गाउँमा सोमबार दिउँसो करिव साढे १२ बजे आगलागी भएको थियो । आगोमा जलेर लालबिर बुढाकी १८ महिनाकी छोरी दिलमायाको मृत्यु भएको स्थानीयले जानकारी दिएका छन् ।
बस्तीमा निभाउने मानिस र पानीको स्रोत नभएकाले ठूलो क्षति भएको मुर्मा गाउँका गोर्ख रोकायले बताए ।
आगलागीबाट बिरी बुढा, लालबीर बुढा, सौमति बुढा, शिपराज बुढा, रत्नलाल बुढा, असौजी बुढा, गोर्ख बुढा र जर्म बुढाका घरहरु पूर्णरुपमा जलेर नष्ट भएका छन् ।
शिपराज बुढाको घरबाट आगलागी सुरु भएको स्थानीयको भनाइ छ । घटनास्थल सदरमुकाम गमगढीबाट १२ कोष पश्चिममा पर्दछ ।
प्रतिकृया दिनुहोस्
Loading...
