Interesting, Interesting News » १० वर्षमा १ सय ९२ किलो, यी हुन् विश्वकै सबैभन्दा वजनदार बच्चा

ती मोटा बच्चाको जिउलाई मिल्ने कपडा बजारमा पाउन मुस्किल पर्छ । ती बच्चाको मोटोपना यति तिव्र रुपमा बढिरहेको छ की उनका बाबुआमाले उनलाई पेटभरी खुवाउन पनि बन्द गरेका छन् ।

आर्य जन्मिँदा ३ किलो २ सय ग्राम तौलका थिए । दुई वर्षको उमेरसम्म उनको सरीर सामान्य नै थियो । तर त्यसपछि उनको वजन अचानक बढ्न थाल्यो । वजन अनियन्त्रित रुपमा बढ्दै गएर उनी आजको अवस्थामा पुगे । उनको जिउको अवस्था यस्तो भैसकेको छ की जिउलाई मिल्ने कपडा नपाउँदा च्यादर ओढेर बस्न बाध्य छन् ।

आर्यले आफ्नो जिउको वजन धान्न पनि सक्दैनन् र केवल एक दुई पाइला मात्र हिँड्न सक्छन् । मोटोपनाको कारण उनी स्कुल पनि जान छाडेका छन् ।

आर्यका बुवाआमा गरीब छन् । स्थानीय डाक्टरहरुलाई देखाउँदा आर्यको रोग पत्ता लागेको छैन र सहरमा ठूलो अस्पतालमा लगेर जाँच गराउनुपर्ने सल्लाह उनीहरुले पाए । तर साधारण किसान रहेका आर्यका बुवाआमासँग उनलाई सहर लगेर उपचार गराउने पैसा छैन र उनीहरु दानी मानिसहरुको सहयोगको खोजीमा छन् ।

२०७३ पुष २२ गते १०:४८ मा प्रकाशित