ग्लोबल टेण्डरका लागि प्रक्रिया सुरु भएको उनले  जानकारी दिए। माग अनुसारको चिनीको उत्पादन नहुँदा हरेक वर्षको कात्तिक मंसिर महिनापछि चिनीको अभाव हुने गरेको छ ।

विभिन्न तथ्याङ्क अनुसार नेपालमा वर्षेनी झण्डै २ लाख ३० हजार मेट्रिक टन चिनीको माग छ । तर १ लाख ३० हजार मेट्रिक टनको हाराहारीमा मात्रै उत्पादन हुने गरेको छ । 

स्वदेशी उत्पादनले माग नधान्दा विदेशबाट आपूर्ति गर्नु पर्ने बाध्यता छ । स्वदेशी चिनीको लागि झण्डै ३ प्रतिशत मात्रै कर तिर्नुपर्ने र बाहिरी देशबाट आयात गर्दा ३० प्रतिशत कर लाग्ने हुँदा चिनीको भाउ बढ्न गएको साल्ट टेड्रिङको भनाई छ ।

किसानलाई उखु उत्पादनमा प्रोत्साहन दिन र समयमा नै उखुको मूल्य निर्धारण गर्न नसक्दा उखुको उत्पादन घट्दो क्रममा छ । बजारमा चिनी अभाव हुन नदिन झण्डै पाँच अर्ब रुपैयाँको चिनी किन्न प्रक्रिया अघि बढाए पनि अर्थ मन्त्रालयमा थन्किएको आपूर्ति मन्त्रालयका एक अधिकारीले बताए ।