माओवादी केन्द्रका सदस्यसहित २ दर्जन नेता तथा कार्यकता एमालेमा प्रवेश
- पोखरा, २ फागुन ।
सरकारको नेतृत्व गरिरहेको माओवादी केन्द्रका केन्द्रीय सदस्य दिलीपविक्रम शाही र जिल्ला सचिवालय सदस्य राजेन्द्र गौतमसहितका नेताहरु एमाले प्रवेश गरेका छन् ।
प्रवेश गर्ने शाही पोखराको पृथ्वीनारायण क्याम्पसका पूर्वस्ववियु सभापति समेत हुन् ।
नेकपा एमाले कास्कीले आइतबार पार्टी कार्यालयमा आयोजना गरेको पार्टी प्रवेश कार्याक्रममा शाहीसहित नेपाली कांग्रेस सराङकोट गाउँ कमिटीको उपसभापति बाबुराम तिमिल्सिना, राजेन्द्र गौतम, शोभाखर भन्डारी, कृष्ण शर्मा, हिरा गिरी, गीता तिवारी टिकाराम दाहाल बाबुराम तिमिल्सिना, बलबहादुर भुजेल, कमल अधिकरी लगायत लगायत २५ जना प्रवेश गरेका हुन् ।
उनीहरुलाई नेकपा एमाले स्थायी कमिटी सदस्य किरण गुरुङ, पोलिट्ब्युरो सदस्य गणेश तिमिल्सिना र पूर्वस्वास्थ्य मन्त्री खगराज अधिकारीले खादा माला र अविर लगाइदिएर स्वागत गरेका हुन् । नव प्रवेशीको तर्फबाट बोल्दै गौतम, तिमिल्सिना हिरा गिरी लगायतले एमालेले मात्र अब देश बदल्ने सक्ने बताए ।
कार्यक्रममा नेकपा एमाले स्थायी कमिटी गुरुङले प्रधानमन्त्री प्रचण्डले सबै सिद्धान्त र विचारलाई तिलाञ्जली दिएर सत्तामा पुगेको अरोप लगाएका छन् ।
प्रतिकृया दिनुहोस्
Loading...
