चुनावको मिति घोषणा नगरे प्रचण्ड सरकार ढाल्नेे ओलीको धम्की

प्रचण्ड नेतृत्वको सरकार चुनाव नगराउने षडयन्त्रमा लागेको भन्दै तत्काल चुनावको मिति घोषणा नगरे यो सरकार कुनै पनि समयमा अप्ठ्यारोमा पर्न सक्ने ओलीले चेतावनी दिएका हुन् ।

एमालेनिकट पत्रकारहरुको संगठन प्रेस चौतारीले शनिबार बिराटनगरमा आयोजना गरेको पुरस्कार वितरण कार्यक्रममा एमाले अध्यक्ष ओलीले भने- ‘सरकार चुनाव नगराएर सवैधानिक र राजनितिक संकट गराउन उद्धत हुँदैछ, हामी त्यो अवस्था आउनुभन्दा अगावै संकटबाट बच्ने उपाय गराएर छाड्छौं ।’

केपी ओलीले स्पष्ट शब्दमा नबताए पनि सरकारले चुनाव टार्ने स्थिति आएका एमालेले सरकार ढाल्ने र आफ्नो नेतृत्वमा चुनावको वातावरण बनाउने लाक्षणिक अभिव्यक्ति दिएका छन् ।

पूर्वप्रधानमन्त्री ओलीले कुनै पनि हालतमा एमाले चुनाव गराएरै छाडने दाबी गरे । उनले भने- ‘एमाले यो मुलुकमा निर्वाचन गराएरै छाड्छ, त्यो कुरा सरकारले बुझे हुन्थ्यो, बुझ्दैन भने हामी बुझाएर छाड्छौं ।’

प्रचण्ड प्रधानमन्त्री बनेको ६ महिना ४ दिन बितिसक्दा पनि केही काम नगरेको ओलीकाेआरोप छ । प्रचण्ड नेतृत्वको सरकारले एमाले काँही भेटिन्छ कि र हटाउन सकिन्छ कि भनेर खोज्दै आफ्ना मान्छे नियुक्ति गर्ने वाहेक कुनै उपलव्धीको काम गर्न नसकेको ओलीले आरोप लगाए ।

Trending : Main News, Poltical, Title Big News