वाइसीएल पाँचथरको एकता भेला सम्पन्न
कृष्ण ओझा।
पाँचथर, १९ माघ ।
नेकपा (माओवादी केन्द्र)को सहायक संगठन योङ कम्युनिष्ट लिग (वाइसीएल) नेपाल पाँचथरको एकता भेला बुधवार फिदिममा सम्पन्न भएको छ ।
एकता भेलाले योगेन्द्र सावदेन ‘लेन्जो’ इन्चार्ज र दिलकुमार नेम्वाङ चोलुङ संयोजक रहेको ६१ सदस्यीय जिल्ला सम्मेलन आयोजक समिति गठन गरिएको छ ।
योगेन्द्र सावदेन माओवादी विभाजनअघि वाइसीएल पाँचथरका अध्यक्ष थिए । संयोजक दिलकुमार नेम्वाङ भने माओवादी जनसेनाबाट स्वेच्छिक अवकास लिएर राजनीतिमा सक्रिय बनेका हुन् ।
माओवादी केन्द्र पाँचथरका इन्चार्ज हर्क नेम्वाङ ‘मिक्सो’ को प्रमुख आतिथ्यतामा सम्पन्न भेलाका वक्ताहरुले विगतमा जस्तै वाइसिएल सक्रिय बन्नुपर्नेआवश्यकता औँल्याए ।
विगतमा देशैभर राजनीतिदेखि सामाजिक क्षेत्रमा समेत अगुवाई गरेको वाइसिएल माओवादी विभाजनसँगै निश्क्रिय बनेको थियो ।
माओवादी घटकहरुको एकतापछि माओवादीले वाइसिएललाई सक्रिय बनाउने प्रयत्न थालेको छ ।
प्रतिकृया दिनुहोस्
Loading...
