गोंगबुस्थित पाथिभरा रोधीघर रहेको गेष्ट हाउसमा भीषण आगलागी
काठमाडौं, १२ चैत्र ।
गोंगबुस्थित एक व्यवसायिक भवनमा आगलागी भएको छ ।
पाथिभरा रोधीघर रहेको गेष्ट हाउसमा श्रेष्ठ बेकरी रहेको भवनको पहिलो र दोस्रो तल्लामा आगलागी भएको हो । आगो भुइँ तल्लाकै श्रेष्ठ बेकरीबाट सल्किएको अनुमान गरिएको छ । विद्युत सर्ट भएर आगो लागेको हुनसक्ने बताइएको छ ।
आगलागीबाट बेकरी सपका समानहरु जलेर नष्ट भएको छ । एक जुत्ता पसलमा पनि क्षति पुगेको छ भने बुक सप ट्राभल एजेन्सीमा पनि सामान्य क्षति पुगेको छ । पाथिभरा रोधीघरमा पनि क्षति पुगेको प्रहरीले जनाएको छ । व्यापारीहरुका अनुसार लाखौंको क्षति भएको अनुमान छ ।
नेपाल प्रहरी र सशस्त्र प्रहरीको टोली र काठमाडौं महानगरपालिकाको दमकल परिचालन गरिएपछि आगो नियन्त्रण आएको छ । क्षतिको पूर्ण विवरण अझै आइसकेको छैन ।
तस्वीर : दैनिक नेपाल
प्रतिकृया दिनुहोस्
Loading...
