भारतीय हस्तक्षेपविरुद्ध दशगजा सिमानामा उत्रिए दशौं हजार नेपाली (भिडियोसहित)
- हेमन्त न्यौपाने ।
दिनभर ढुंगामुढा भैरहेको आनन्दबजारमा ४ बजेपछि मात्र अवस्था केहि शान्ति बनेको छ । पछिल्लो समय नेपाल प्रहरीलाई प्रतिरक्षामा उत्रिन प्रधानमन्त्रीको आदेश आएको शसस्त्र प्रहरीले बताएको छ ।
शुक्रबार पनि भारतीय एसएसबीले २२ राउन्ड हवाइ फायर र १७ राउन्ड असुरग्यास प्रहार गरेको छ भने नेपाली पक्षबाट २ राउन्ड असुरग्यास प्रहार गरिएको छ । भारतीय हस्तक्षेप र ज्यादतीविरुद्ध कैलाली र कञ्चनपुर करिब १० हजार बढी स्थानीय सिमा नाकामा प्रदर्शनमा उत्रिएका थिए ।
शुक्रबार पनि २ पक्षबीच पटक पटक झडप हुदाँ करिब ३० जना घाइते भएको स्थानीय गोविन्द शाहीले बताए । विहिवार नै सिमामा झडप भएपछि तीन जना नेपाली महिलालाई भारतीय स्थानीयले कपडा खोलेर नांगो बनाएर पठाएको प्रत्यक्षदर्सी स्थानीय नेता प्रेम बहादुर बस्नेतले बताएका छन् ।
मृतकको शवलाई आक्रोशित जनता झन उग्र हुनसक्ने भन्दै कैलालीमै राखिएको छ । मृतकलाई सरकारले तत्काल राहत स्वरुप १० लाख रुपैया दिने, घरको एक जनालाई रोजगारको व्यवस्था गर्ने, बाल बच्चाहरुलाई निशुल्क उच्च शिक्षा सम्म प्रदान गर्ने, मृतक गौतमको नाममा सहिद स्मारक बन्ने र शवलाई सरकारले राष्ट्रिय सम्मानका साथ अन्त्यष्टी गर्ने आजको मन्त्री परिषदले निर्णय गरेको छ ।
हेर्नुहोस् भिडियो
हेर्नुहोस् भिडियो
तस्विर : बिमल धामी
प्रतिकृया दिनुहोस्
Loading...
