महासंघको राजनीतिक दलको भातृ संस्थाका रुपमा झार्ने प्रयत्नप्रति उनीहरुले आपत्ति प्रकट गरेका छन् ।

क्रान्तिकारी पत्रकार संगठन नेपालको नेतृत्वमा तीन दर्जनभन्दा बढी पत्रकारहरुसहित बुधबार दिउँसो केन्द्रीय कार्यालय संचारग्राममा पुगेर महासंघलाई व्यवसायिक पत्रकारहरुको साझा संस्थाको रुपमा कायम राख्न माग गरेका छन् । 

नयाँ सदस्यता वितरणमा केही पार्टीहरुले महासंघलाई राजनीतिक भर्ती केन्द्र बनाई इमान्दार पत्रकारलाई निषेध गरिएको, विभिन्न जिल्लाहरुमा सत्तारुढहरुको निर्देशन र प्रभावमा दलीय सिन्डिकेट खडा गरी असल पत्रकारलाई सदस्यता लिनबाट बञ्चित गरिएको र सदस्यता सुद्धिकरण गर्नु र गैरपत्रकारहरुको सदस्यतामाथि छानबिन गरी खारेज गर्नुपर्ने भन्दै पत्रकारहरू अान्दाेलनमा उत्रिएका हुन् ।

‘महासंघलाई राजनीतिक भर्ती केन्द्र बनाउन पाइँदैन, सदस्यता सुद्धिकरण गर, गैरपत्रकारहरुको छानबिन गर’लगायत नारा लगाई एकघण्टासम्म मूल ढोकामा धर्ना बसेको थियो । संगठनका महाचिव प्रज्वलले एक प्रेस विज्ञप्ति जारी गरी विधान विपरीत सदस्यता खारेज गर्न माग गरेका छन् ।

महासंघका अध्यक्ष डा. महेन्द्र विष्टले संगठनले उठाएको माग जायज भएको र बिहीबारसम्म वार्ताको माध्यमबाट माग पूरा गर्ने आश्वसन दिएको संगठनका उपाध्यक्ष दीपेन्द्र रावलले जानकारी दिए । महासचिव उजिर मगर, उपाध्यक्ष अनिता विन्दुको उपस्थिति थियो । माग पुरा नभए थप सशक्त आन्दोलनमा उत्रिने पत्रकारहरूकाे चेतावनी छ ।