बार्सिलोनाका प्रशिक्षक एनरिकलेद्वारा क्लब छोड्ने घोषणा
- एजेन्सी, १९ फागुन।
बार्सिलोनाका प्रशिक्षक लुइस एनरिकले क्लब छोड्ने घोषणा गरेका छन् । केही समय फुटबलबाट विश्राम लिन यसै सिजनको अन्त्यमा बार्सिलोना छोड्ने उनले बताएका हुन् ।
ला लिगाको बिहीबार बिहान सकिएको खेलमा बार्सिलोनाले स्पोर्टिङ गिजोनलाई ६–१ गोलले पराजित गरेपछि उनले विश्राम लिने घोषणा गरेका हुन् । उनले विश्रामका लागि भन्दै क्लब छोड्ने बताए । ४६ वर्षीय एनरिकको बार्सिलोनामा यो तेस्रो सिजन हो ।
उनी घरेलु लिग ला लिगाको ह्याट्रिक गर्ने अभियानमा छन् । तर च्याम्पियन्स लिगमा टोलीको खस्किँदो प्रदर्शन नै उनको अवकासको मुख्य कारण बनेको बताइन्छ ।
स्पेनका पूर्व मिडफिल्डर एनरिकले सन् १९९६ देखि २००४ सम्म बार्सिलोनाबाट खेलेका थिए । सन् २००८ देखि २०११ सम्म उनी बार्सिलोनाको ‘बी’ टोलीमा प्रशिक्षकको भूमिकामा थिए ।
प्रतिकृया दिनुहोस्
Loading...
