आगलागीमा जलेर एकको मृत्यु, नियोजित रुपमा हत्या गरिएको स्थानीयको आरोप
सिरहा,१८ फागुन ।
घरमा सुतिरहेको बेला आगलागी हुँदा सिरहा मिर्चैया नगरपालीका-८, फूलबरीया मझाउका ३९ वर्षका प्रदिप रायको ज्यान गएको छ ।
प्रहरीले घटनाको अनुसन्धान भइरहेको जनाए पनि स्थानीय बासिन्दाले नियोजित रुपमा हत्या गरी आगो लगाएको बताएका छन् ।
सुतिरहेको घरमा पेट्रोल छर्केको र त्यहाँ अझैपनि पेट्रोलको गन्ध आइरहेको स्थानीय बासिन्दाले बताएका छन् ।
काठमाडौंमा बसेर वैदेशिक रोजगारीमा पठाउने एजेन्टको रुपमा काम गर्दै आएका राय मंगलबार बेलुकी मात्रै घर आएको स्थानीय वाजु माध्यमिक विद्यालयका प्रधानाध्यापक विन्देश्वर महतोले जानकारी दिए । उनले घटनाको प्रकृति हेर्दा कसैले हत्या गरेको हुन सक्ने बताए ।
घटना शंकास्पद रहेको भन्दै प्रहरीले घटनास्थल अहिले शिल गरेको छ । घटना कसरी भयो भन्ने अझै खुली नसकेको भन्दै अनुसन्धान जारी रहेको प्रहरीले जनाएको छ ।
राय सुतेको घरको झ्यालबाट अपराधीहरु छिरेर हत्या गरी पेट्रल खन्याएर आगो लगाएको आफन्तहरु बताउँछन् । सँगै घरको अर्को कोठामा सुरहेका दाजु फूलन रायले आगो लागेर आगोको राप आफ्नो कोठासम्म आएपछि मात्र थाहा पाएको बताएका छन् । आफन्तको विवाहको निम्तो मान्न राय मंगलबार मात्र घर आएका थिए ।
प्रतिकृया दिनुहोस्
Loading...
