sport News, Sports, Sports News » अबामेयाङको हयाट्रिकमा जर्मनी क्लब क्वाटरफाइनलमा

• म्युनिख, २६ फागुन (एजेन्सी)

सिजनको च्याम्पियन्स लिगको समूह चरणमा सर्वाधिक २१ गोल गरेको जर्मनीको बोरुसिया डर्टमुन्ड क्लब क्वाटरफाइनलमा प्रवेश गरेको छ।

बुधबार राती (नेपाली समयअनुसार विहिबार बिहान) सम्पन्न खेलमा गाबियन स्ट्राइकर पियरे–इम्रिक अबामेयाङको हयाट्रिक गोलको सहयोगले बोरुसियाले अन्तिम १६ को दोस्रो लेगको खेलमा पोर्चुगलको बेनिफिका क्लबलाई ४–० ले पराजित गर्यो।

पहिलो लेगको खेलमा घरेलु जर्मनी टोली १–० ले पछाडि थियो। यो नतिजालाई उल्ट्याउन अबामेयाङले ४, ६१ र ८५ मिनेटमा गरि हयाट्रिक पुरा गरे। अर्को गोल क्रिस्टियन पुलिसिकले ५९ मिनेटमा गरे।
पहिलो लेगको खेलमा अबामेयाङ लिस्बनमा पेनाल्टीलाई गोलमा परिणत गर्न चुकेका थिए। त्यसको न्याय उनले घरेलु मैदानमा गरे।

प्रशिक्षक थोमस टुचेलको नेतृत्वमा डर्टमुन्डले घरमा खेलेको १२ युरोपियन खेलमा १ मा मात्र पराजय भोग्नु परेको छ। जर्मनी क्लब समग्रमा ४–१ को नतिजा निकाल्दै क्वाटरफाइनल प्रवेश गरेको हो।