धनगढीबाट पेट्रोल लिएर आएको ना २ ख ४५७९ नम्बरको ट्यांकरबाट पिपल्लाबजारस्थित जेवी पेट्रोल पम्पमा पेट्रोल अनलोड गर्ने क्रममा आगलागी भएको थियो ।

प्रहरीका अनुसार ट्यांकरबाट सल्किएको आगोले पेट्रोल पम्प, ट्यांकर, मोहित होटल र सांसद कल्पना शोभको सुनचाँदी पसल पुर्णरुपमा नष्ट भएको छ ।

सुदूरपश्चिम क्षेत्रीय प्रहरी तालिम केन्द्र दीपायलको पानी बोक्ने ट्यांकर, नेपाली सेना, प्रहरी र स्थानीयको सक्रियतामा करिव २ घण्टापछि आगलागी नियन्त्रणमा आएको हो ।

आगलागीबाट पेट्रोल पम्प नजिकै रहेको राष्ट्रिय बाणिज्य बैंकको शाखा कार्यालय र केही घरमा सामान्य क्षति पुगेको प्रहरीले जानकारी दिएको छ ।