यो डकुमेन्ट्रीमा अष्ट्रियाकी एलिजाबेथसँग कुराकानी गर्ने पुलिस अधिकारी मिस्टर र्याटनरले उनीबारे थुप्रै कुराको जानकारी दिएका छन् । फ्रिजट्ल केसको खुलासा सन् २००८ को अप्रिलमा भएको थियो ।

केसका अनुसार जोसफ फ्रिट्जलले २४ वर्षसम्म आफ्नै छोरी एलिजाबेथसँग तीन हजारभन्दा बढिपटक बलात्कार गरेका थिए । यो क्रममा उनले सात सन्तानलाई जन्म दिइन् जसमा एकको जन्मको तीनदिन पछि नै भएको थियो ।

पुलिस चिफ मिस्टर र्याटनरले एलिजाबेथलाई उद्धृत गर्दै भने, ‘यदि मैले आफ्नै बुवाले बलात्कार गरेको हो भन्ने जानकारी दिएँ भने कसैले पनि मलाई विश्वास गर्दैनन् भन्ने मेरो सोच थियो । ’

पुलिसले डकुमेन्ट्रीका लागि दिएको जानकारी अनुसार घटना सार्वजनिक भएपछि एलिजाबेथले पुलिसलाई दुईघण्टासम्म बयान दिइन् जब उनले उनका पिताले ११ वर्षको उमेरदेखि नै उनलाई जिस्काउन सुरु गरिसकेको जानकारी दिइन् ।

एलिजाबेथको भनाई उद्धृत गर्दै पुलिस अधिकारी भन्छन्, ‘१८ वर्षको भएपछि एक दिन मलाई मेरो बुवाले घरको बेसमेन्टमा लिएर गए जहाँ मलाई बेहोस बनाइदिए । त्यसको २४ वर्ष त्यही गोप्य स्थानमा समय बिताउनु पर्यो जहाँ बुवाले मलाई हज्जारौं पटक बलात्कार गरे । मैले त्यही ठाउँमा सात सन्तानलाई जन्म दिएँ जसमा चारजना मलाई छोडियो । तीमध्ये एकको मृत्यु  भयो। अन्य तीनजना बच्चालाई बुवाले आमासँग मिलेर पाले । मेरी आमालाई म घरको बेसमेन्टमा छु भनेर थाहा थिएन । वास्तवमा बुवाले म कुनै धार्मिक समुदायसँग भागेको बताएका थिए ।’

जन्मकैदको सजायँ काटिरहेका छन् जोसफः

घटना सार्वजनिक भएपछि पुलिसले जोसफलाई पक्राउ गर्यो । अष्ट्रेलियामा चलेको ट्रायल्सपछि सन् २००९ मा जोसफलाई जन्मकैदको सजायँ सुनाइयो । डकुमेन्ट्रीमा मिस्टर र्याटनरले दिएको जानकारी अनुसार अहिले ८२ वर्ष भइसकेका जोसफलाई आफू एकदिन जेलबाहिर हुने कुरामा विश्वास छ । यस्तै, अहिले ५१ वर्ष भएसकेकी एलिजाबेथ अष्ट्रियामा आफ्ना ६ सन्तानसँग बसिरहेकी छिन् । उनी कहिले पनि आफ्ना बुवाको अनुहार हेर्न चाहन्नन् ।

घरको तल बनेको थियो गोप्य कोठाः

जोसफले आफ्नो घरको तलपट्टी गोप्य कोठा बनाएका थिए जसभित्र गोप्य ढोकाबाट मात्र छिर्न सकिन्थ्यो । जोसफले कसैलाई पनि त्यहाँ आउन दिएका थिएनन् । आफू त्यहाँ काम गर्न जाने र कसैले पनि उनलाई डिस्टर्ब नगरोस् भनी उनले त्यहाँ कसैलाई पनि प्रवेशको आज्ञा दिएका थिएनन् ।

जब जोसफले एलिजाबेथलाई कैद गरेका थिए तब उनले पुलिसलाई एक चिट्ठी देखाएका थिए जसमा लेखिएको थियो एलिजाबेथ घर छोडेर आफ्नो साथीसँग गएकी छिन् त्यसकारण उनलाई खोज्ने कोसिस नगरियोस् । सन् २००८ मा एलिजाबेथकी जेठी छोरीको स्वास्थ्य निकै खराब भएको थियो र उनलाई अस्पताल भर्ना गरिएको थियो । छोरीको बिग्रिएको स्थिती देखेर जोसफले अन्ततः एलिजाबेथलाई अस्पताल पठाउनका लागि राजी भए ।

उनले सबैलाई एलिजाबेथ फर्किएको बताए । यति नै बेला पुलिसलाई शंका लाग्यो र एलिजाबेथसँग सोधपुछ थालियो । छानबिनपश्चात् सबै घटना सार्वजनिक भयो । यो खबर थुप्रै दिनसम्म पत्रिकामा चर्चित बनेको थियो ।

बिभिन्न अनलाइनहरुको सहयोगमा