एमालेबाट राजीनामा दिइ माओवादीबाट नगर प्रमुखमा उम्मेद्वारी
- काठमाडौं ।
एमालेका एक नेताले माओवादी केन्द्रमा प्रवेश गरी नगरप्रमुखका लागि उम्मेद्वारी घोषणा गरेका छन् । एमालेले लालीगुराँस नगरपालिकाको प्रमुखका लागि टिकट नदिने भएपछि गणेशकुमार सेनेहाङ लिम्बू माओवादी केन्द्रमा प्रवेश गरी सोमबार नै उम्मेद्वारी घोषणा गरेका हुन् ।
सेनेहाङ एमाले जिल्ला कमिटी तेह्रथुमका सचिवालय सदस्य तथा संगठन विभागका प्रमुख थिए । किरात याक्थुङ चुम्लुङ जिल्ला कार्यसमितिका अध्यक्षसमेत रहेका सेनेहाङ जिल्ला अधिवेशनमा अध्यक्षका प्रत्यासीसमेत हुन् । आजको नयाँ पत्रिकामा समाचार छ ।
लालीगुराँस नगरपालिकाको प्रमुखमा जित्ने सुनिश्चित हुँदाहुँदै पनि एमालेले टिकट नदिएपछि बाध्य भएर पार्टी परिवर्तन गरेको उनले बताए । उनलाई सोमबार माओवादी केन्द्रका पोलिटब्युरो सदस्य तथा जिल्ला अध्यक्ष दुर्गाप्रसाद चापागाईंले पार्टी प्रवेश गरार्ई लालीगुराँस नगरपालिकाको प्रमुखको उम्मेद्वार घोषणा गरेका हुन् । एमालेले उम्मेद्वार घोषणा गरिनसके पनि लालीगुराँस नगरपालिकाको प्रमुखमा कमलबहादुर खड्कालाई उठाउने तयारी गरेको छ ।
प्रतिकृया दिनुहोस्
Loading...
