भरतपुर अपडेट : विवादका कारण रोकिएको मतगणना पुनः सूचारु (यस्तो छ ताजा परिणाम)
- भरतपुर ।
मत गणनाका क्रममा अर्धकट्टीसहितको मतपत्र भेटिएपछि विवादका कारण रोकिएको भरतपुरको मत गणना पुनः सूचारु भएको छ ।
वडा नः १७ को मतगणना कार्य चलिरहेका बेला शनिबार बिहान १२५ मत अर्धकट्टी सहितको भेटिएपछि दलहरु बीच सदर मान्ने कि बदर भन्ने विवाद भएको थियो ।विवादलगत्तै २ घन्टा रोकिएको गणना पुनः
सुरु भएको हो ।
दल र निर्वाचन आयोगका प्रतिनिधीहरु बीच निर्वाचन सम्बन्धी निर्देशिकाको व्यवस्था अनुसार गणना गर्ने सहमतिपछि गणना सुचारु भएको हो । निर्वाचनसम्बन्धी निर्देशिकाको बुदाँ नं. ३ मा दुरुस्त मतपत्र अर्धकट्टीसहित पाइएमा मतपत्रको अर्धकट्टी हटाएर मतगणना गर्ने व्यवस्था रहेको र सो मत सदर गर्ने स्पष्ट व्यवस्था छ ।
महानगरपालिकामा अब ५ वटा वडाको मात्रै मतगणना गर्न बाँकी छ । मतगणना रोकिनु अघिसम्मको अवस्थामा एमालेका देवी ज्ञवालीले ३७२६६ मत ल्याएर अग्रतालाई कायम राखेका छन् भने माओवादी कांग्रेस गठवन्धनकी उम्मेदवार रेणु दाहालले ३५६६७ मत ल्याएकी छन् ।
प्रतिकृया दिनुहोस्
Loading...
