ज्योति विकास बैंकले एकैसाथ गर्यो थप तीन नयाँ शाखा विस्तार

ज्योति विकास बैंकले एकै समय विभिन्न स्थानमा तीन नयाँ शाखा विस्तार गरेको छ । राष्ट्रिय स्तरको विकास बैंकको रुपमा कार्यरत ज्योति विकास बैंकले सुनसरीको झुम्का, सुर्खेतको बीरेन्द्रनगर तथा दाङ्गको घोराहीमा गरी एकै दिन ३ नयाँ शाखाहरु स्थापना गरेको हो ।

३० औं शाखा सुनसरीको झुम्कामा नेपाल राष्ट्र बैंक बिराटनगरका निर्देशक रामु पौडेल र उद्योग बाणिज्य संघ झुम्काका अध्यक्ष सगेन चौधरीद्धारा संयुक्त रुपमा उद्घाटन गरिएको थियो । त्यस्तै, ३१ औं शाखा सुर्खेतको बीरेन्द्रनगरमा उद्योग बाणिज्य संघ सुुर्खेतका अध्यक्ष प्रकाश अधिकारी र बैंकका संचालक जगदिश्वर प्रसाद अधिकारीले संयुक्त रुपमा उद्घाटन गरे ।

यसैगरी ३२ औं शाखा दाङ्गको घोराहीमा नेपाल राष्ट्र बैंक नेपालगंजका निर्देशक गुरु प्रसाद पौडेल, उद्योग बाणिज्य संघ दाङ्गका अध्यक्ष हेमराज बन्जाडे र बैंकका संचालक नारायण प्रसाद पौडेलद्धारा संयुक्त रुपमा उद्घाटन गरिएको थियो ।

शाखा उद्घाटन समारोहको अध्यक्षता विकास बैंकका निर्देशकहरु गोकर्ण खतिवडा, जगदिश्वर प्रसाद अधिकारी र नारायण प्रसाद पौडेलले गरेको थियो भने, झुम्का शाखाको उदघाटनमा बैंकका प्रमुख कार्यकारी अधिकृत कृष्ण बहादुर कुंवर तथा संचालक छत्रमान श्रेष्ठको पनि उपस्थितिमा भएको थियो ।

उद्घाटन कार्यक्रहरुमा स्थानिय उद्योगी, व्यबसायी, समाजसेवी लगायतको उल्लेख्य उपस्थिती समेत रहेको थियो ।

बैंकको अहिलेसम्म ३२ शाखा, एक एक्टेन्शन काउन्टर तथा १२ वटा एटिएम मार्फत सेवा प्रदान गरिरहेको छ । देशका विभिन्न स्थानमा थप अन्य शाखाको विस्तार गर्दै लैजाने उद्धेश्य रहेको समेत बैंकले जनाएको छ ।

बैंकको हालको चुक्ता पुंजी रु. १ अर्ब १० करोड ४३ लाख रहेको छ भने १ः१ को हकप्रद शेयर जारी गरीरहेकोे छ । यस अघि झिमरुक विकास बैंकसंग मर्जर प्रक्रिया सम्पन्न गरी २०७३÷४÷२८ बाट एकिकृत रुपमा कार्य संचालन गरी सकेको हो ।

त्यस्तै, राप्तीभेरी विकास बैंकलाई प्राप्तीको प्रक्रियामा छ । पछिल्लो समयमा व्यवसायको बृद्धि तथा मुनाफामा उल्लेखनीय प्रगति गरीसकेको बैंकले चालु आर्थिक बर्षको तेस्रो त्रैमासिकसम्ममा निक्षेप रु ९ अर्ब ३५ करोड तथा कर्जा रु ८ अर्ब ३८ करोड प्रवाह गरी खुद मुनाफा रु १९ करोड २७ लाख आर्जन गरेको छ ।

२०७४ जेठ १८ मा प्रकाशित ।

Trending : Business