एसएसपी साब नै पूर्व गृहमन्त्री निधिसँग ठमेल पुगेपछि प्रहरी हेडक्वाटरभित्र हंगामा !

महानगरीय प्रहरी परिसर काठमाडौँका प्रमुख प्रहरी बरिष्ट उपरीक्षक (एसएसपी) जोशी राजधानीको ठमेलस्थित ओजि लाउन्ज रेस्टुरेन्टको उद्घाटन गर्ने क्रममा पूर्व गृहमन्त्रीसँगै पुगेपछि यो विषयले प्रहरी हेडक्वाटरमा हङ्गामा मच्चाएको छ । 

पूर्व गृहमन्त्री आफ्नो कार्यकर्ताले संचालन गरेको बारमा पुगेपनि प्रहरी प्रमुखनै आफ्नो आचारसंहिता मिचेर र प्रहरीको छविलाइ समेत बदनाम गर्दै पूर्व गृहमन्त्रीको पछी लागि उक्त उद्घाटनमा गएको भन्दै हेडक्वाटरमा चर्चाको विषय बनेको छ । नेपालमै रहेर अन्य व्यवसाय समेत गर्दै आइरेका काठमाडौं निवासी दिनेश श्रेष्ठको पहलमा खुलेको यो रेष्टुरेन्टको उद्घाटनमा काठमाडौँ प्रहरी प्रमुख नै गएर प्रहरी संगठनको मर्यादानै मिचेको भन्दै हेडक्वाटरमा उनको चर्चा भएको हो । 

यता यसबारे हामीले मंगलबार बेलुकी एसएसपी जोशीलाई यसबारेमा सोध्न सम्पर्क गर्यौं । 'म उहाँहरुलाई हौसला दिन गएको हुँ । पूर्वउपप्रधानमन्त्रीले उद्घाटन गर्नुभएको उक्त कार्यक्रममा सुरक्षाका हिसावले पनि म गएको हुँ ।' इमान्दार मिडियासँग कुराकानी गर्दै उनले भने । उनका अनुसार रात्री व्यवसायीहरुलाई परेको खण्डमा सहयोग गर्न समेत प्रयारी तयार छ । 'म त अझै कसैले बोलाएपनि जान्छु । त्यहाँ गएर राम्रोसँग बसियो । कुराकानी गरियो । केहि समस्या भए भन्नुहोला भनियो ।' उनले भने । 

Trending : Main News, Political