यी तीन मन्त्रालयका फाइल कब्जा गर्दै प्रधानमन्त्रीपत्नी आरजु राणा
प्रधानमन्त्री शेरबहादुर देउवाकी पत्नी आरजु राणा देउवाले भौतिक तथा पूर्वाधार, खानेपानी, श्रम लगायतका मन्त्रालयका महत्वपूर्ण फाइलहरू बुढानिलकण्ठ मगाएर अध्ययन गर्न थालेको रहस्य खुलेको छ ।
‘भाउजु’लाई हिसाब किताब बुझाउनु पर्छ भन्दै भौतिक पूर्वाधार तथा योजनामन्त्री बीरबहादुर बलायर, खानेपानी मन्त्री महेन्द्र यादव र श्रममन्त्री फर्मुल्लाह मन्सुरले कमाइ हुने ठूला फाइलहरू सिधै बुढानिलकण्ठ पठाउने गरेको स्रोतको भनाई छ ।
यातायात कार्यालयमा भ्रष्टाचार हुन्छ भन्ने जाँदाजान्दै मन्त्री बलायर सस्तो लोकप्रियताका लागि लाइनमा बसेको चर्चा हुन थालेको छ ।
आरजुले हप्तैपिच्छे मोटो रकम बुझाउन लगाएको उर्दीबाट मन्त्री आजित बनेको पनि चर्चा शुरु भएको छ ।
उता, पर्वत जिल्लाका सिधासाधा सांसद अर्जुन जोशीको भाग खोसेर विमलेन्द्र निधिको कोटामा खानेपानी मन्त्री बनेका यादवललाई पनि प्रधानमन्त्री पत्नी आरजुले प्रत्येक हप्ता ठूलो रकम बुझाउन उर्दी जारी गरेको मन्त्रालय स्रोत बताउँछ ।
खानेपानी मन्त्रालयमा मन्त्री यादवले सचिव, विभागका महानिर्देशक र शाखा अधिकृतसम्मसँग आम्दानीको स्रोतको बारेमा छलफल गरेको बुझिएको छ । प्रधानमन्त्री देउवाको क्याबिनेटमा कांग्रेसका यी तीन मन्त्रीहरू बीरबहादुर, महेन्द्र र फरमुल्लाहले ठूलो बद्नामी कमाएको आरोप छ ।
उनीहरूले आफूले कुनै पनि निर्णय गर्दैनन् । निर्णय गर्नुपर्दा ‘आरजु भाउजु’लाई सोध्नुपर्छ भनेर फोन घुमाइ हाल्छन् । आरजुको आदेश आयो भने फाइल सदर गर्ने गरेको स्रोतको भनाई छ । यूनाइटेड पोष्ट साप्ताहिकले समाचार छापेको छ ।
२०७४ साउन २६ मा प्रकाशित ।
प्रतिकृया दिनुहोस्
Loading...
