बाढी प्रभावित क्षेत्रमा राहत लिएर आफै पुगे प्रधानमन्त्री देउवा र गृहमन्त्री शर्मा
- काठमाडौं।
राहतका सामाग्रीसहित प्रधानमन्त्री देउवाको नेतृत्वमा उच्चस्तरीय सरकारी टोली मध्य तथा पूर्वी बाढी प्रभावित क्षेत्रमा नेपाली सेनाको हेलिकप्टरमार्फत पुगेको हो ।
यहाँ पुगेर सरकारी टोलीले उद्धार कार्यको प्रभावकारिता निरीक्षण गर्दै थप अल्पकालिन तथा दीर्घकालिन योजना बनाउने योजना रहेको गृहमन्त्रीको सचिवालयले जनाएको छ ।
यसअघि आइतबार बेलुकी बसेको आकस्मिक मन्त्रीपरिषद बैठकले मृत्यु हुने प्रत्येक व्यक्तिको परिवारलाई २ लाख रुपैया राहत स्वरुप वितरण गर्ने निर्णय गरिसकेको छ ।
साथै, बैठकले सबै मन्त्रीहरुको एक महिनाको तलब प्रधानमन्त्री राहत कोषमा जम्मा गराई बाढी प्रभावित क्षेत्रका जनतालाई सहयोग गर्ने निर्णय पनि गरेको छ ।
यसैबीच गृहन्त्रालयले जिल्लामा कार्यरत सरकारी कर्मचारीहरुको विदा वा काज स्वीकृत नगर्ने र मनसुन अवधीभर जिल्ला नछोड्न सबै प्रमुख जिल्ला अधिकारीलाई निर्देशन गरिएको छ ।
२०७४ साउन ३० गते प्रकाशित
प्रतिकृया दिनुहोस्
Loading...
