एमालेले सरकारलाई भन्यो, बाढीपहिरोमा मृत्यु भएकाहरुको परिवारलाई ५ लाख देउ
- काठमाडौँ ।
प्रमुख प्रतिपक्षी दल नेकपा एमालेले बाढीपहिरोका कारण मृत्यु भएकाहरुको परिवारलाई पाँच लाख राहत उपलब्ध गराउन माग गरेको छ।
सोमबार बसेको सचिवालय बैठकले विस्थापित परिवारलाई तत्काल आवास र एक लाख सहयोग उपलब्ध गराउन पनि सरकारसमक्ष माग गरेको छ।
बैठकले एमालेका सांसद तथा राजनीतिक नियुक्ति पाएका व्यक्तिहरुको एक महिनाको तलब पनि बाढीप्रभावितलाई दिने निर्णय गर्नुका साथै घर निर्माणका लागि ३ लाख अनुदान र ३ लाख निर्ब्याजी ऋण उपलब्ध गराउन पनि माग गरेको छ।
त्यसैगरी एमालेको केन्द्रीय सचिवालयको बैठकले बाढीपहिरो र डुबानप्रभावित क्षेत्रलाई समस्याग्रस्त क्षेत्र घोषणा गरी पुनःनिर्माणका लागि विशेष कार्यक्रम ल्याउन पनि सरकारसँग माग गरेको छ।
२०७४ सौन् ३० गते प्रकाशित
प्रतिकृया दिनुहोस्
Loading...
