इन्काउन्टरमा मारिएका प्रवीणका बाबु भन्छन् - मेरो छोरालाई मारेर प्रहरीले अत्याचार गर्यो..

प्रहरी ‘इन्काउन्टर’मा मारिएका ललितपुरका २६ वर्षीय प्रवीण खत्रीका बाबु प्रवीणबाबु खत्रीले प्रहरीकै गोलीबाट छोराको मृत्यु भएको बताएका छन् । ‘यो प्रहरीको अत्याचार हो,’ उनले भने, ‘अपराध गरेको भए, पक्राउ गरेर कारबाही गर्ने हो, मार्न पाइँदैन ।’ उनले भने । 

छोराको मृत्यबाट स्तब्ध बनेको खत्री परिवारले प्रहरीले आफ्नो छोरालाई मारेको बताएको छ भने यता प्रहरीले भने प्रवीण आफैले चलाएको गोली लागेर उनको ज्यान गएको दावी गरिरहेको छ ।मृतकका आफन्तले घटनाको छानबिन गरी दोषी प्रहरीलाई कारबाही गर्न माग गरेका छन् 

घटनापछि स्थानीयवासी प्रहरीसँग आक्रोशित भएपछि घटनास्थलमा तत्काल सशस्त्र प्रहरीसमेत खटाइएकाे थियाे । ‘फायर त हामीले पनि खोलेका थियौँ, तर हाम्रो गोली उसलाई लागेको होइन, ऊ आफैँले हानेको भन्ने छ,’ महानगरीय अपराध महाशाखाका प्रमुख एसएसपी दिनेश अमात्यले भने, ‘कसको गोली लागेको हो, त्यो त विधि विज्ञान प्रयोगशालाबाट प्रस्ट भइहाल्छ ।’ 

खत्री कुसन्तीस्थित आफ्नै घरमा ढोका लगाएर बसिरहेका थिए । महाशाखाका डिएसपी अजय केसी नेतृत्वको टोली दिउँसो करिब २ बजे उनलाई पक्राउ गर्न पुगेको थियो । ढोकामा प्रहरी आएको उनले सिसिटिभीबाट देखे ।

पछि दुई हातमा दुईवटा पेस्तोल प्रहरीलाई तेस्र्याउँदै घरको पछाडि हाम फालेका थिए । प्रहरीले गाेली हान्ने डरले उनि अाफैले अाफ्नाे कन्चटमा गाेली हानेकाे प्रहरीकाे भनार्इ छ ।

२०७४ साउन २४ मा प्रकाशित ।

Trending : Big News, Main News