नेपालको एक मात्र स्याटेलाइट प्रविधिमा आधारित डीटीएच सेवा प्रदायक डिशहोमलेे नेपालीहरुको महान चाड बडादशैं तथा तिहारलाई खुसीमय बनाउनको लागि उपभोक्ताहरु माझ “खुसी अन गरौं” नामक योजना ल्याएको छ ।

यस योजना अन्र्तगत ग्राहकहरुले रु. ५९९९ पर्ने डिशहोमको हाइबि्रड एचडी कनेक्सन खरिद गर्दा रु. ३००० छुट प्राप्त गरी रु. २९९९ मै जोड्न सक्नेछन् । डिशहोमले हाल बजारमा बिक्री गरिरहेको हाइबि्रड एचडी सेट-टप बक्समा भारी छुट प्रदान गरेको हो ।

डिशहोमले हरेक वर्ष दशैं र तिहारमा ग्राहकलाई आकर्षक ग्राहक योजना प्रदान गर्दै आएकोमा यो वर्ष पनि उपभोक्ताहरुलाई डिशहोमको हाइबि्रड एचडी कनेक्सनको खरिदमा रु. ३००० छुट प्रदान गर्न लागेको यस कम्पनीका महाप्रवन्धक कल्याण अधिकारीले जानकारी गराए ।

“हामी ग्राहकहरुलाई सर्वसुलभ मूल्यमा डिशहोम जडान गर्न प्रेरित गर्न चाहन्छौ । हामी नेपालकै सवैभन्दा बढी एचडी च्यानलहरु भएको र बिक्री पछिको गुणस्तरीय सेवा नेपालभर पुर्‍याउन सक्षम कम्पनी हौं” उनले भने, “सर्वसुलभ मूल्यमा यति गुणस्तरीय डिजिटल सेवा पाउँदा ग्राहकहरु निकै उत्साहित हुनुहुन्छ ।"