नेपाल कम्युनिस्ट पार्टीका कार्यकर्ताले चितवन रत्ननगर नगरपालिकाका इन्जिनियर प्रकाशचन्द्र ढुगांनालाई कालोमोसो दलेका छन् । आइतबार बिहान आफ्नै कार्यकक्षमा रहेका ढुंगानामाथि उनीहरुले कालोमोसो दलेका थिए ।

ढुंगानाले परियोजना र संस्थागत बजेट पारिदिने नाममा कमिसन खाने गरेको, घरजग्गा र बाटोको सिफारिस गरेवापत सेवाग्राहीबाट कमिसन लिने गरेको कारण जनकारवाही स्वरुप कालोमोसो दलेको कमुनिष्ट पार्टीले जनाएको छ ।

त्यस्तै माफियासङ्ग मिलेर घोल र एेलानी जग्गा दलालको नाममा नामसरी गर्ने, भुमाफियासंग मिलेर सुकुम्बासी बस्तीमा आतंङ्क मच्चाएको नेकपाले छाडेको पर्चामा उल्लेख गरिएको छ । 

पछिल्लो केही दिनयता नेकपाले कालोमोसो दलेर कारबाही गर्ने अभियानलाई तीब्रता दिईरहेको छ । उनीहरुले विभिन्न सरकारी कार्यालयका कर्मचारीलाई निशाना बनाईरहेका छन् ।

हेर्नुहोस् भिडियो

२०७४ असोज १ गते प्रकाशित